چێژوەرگرە لە فێربوونی موزیك
موزیكکۆر سێڤن پێگەیەکە دروستکراوە وەك بەرنامەیەکی ئۆنلاین، بۆ هاندانی ئارەزومەندان لە کۆکردنەوەی زانیاری باش دەربارەی تیۆری موزیك و کرداریی.
ڕێگاکانی فێربونی تیۆری موزیك و کرداریی زۆرن. موزیککۆر سێڤن ئاسانترین ڕێگای هەیە بۆ فێربون و ئارەزومەندان چێژ لە بەشەکان دەبینن، دوور لەوەی کە تێیدا ئاستەنگ دروست بێت. لەبەرئەوەی هەر بەشێک بە ئاستێکی گونجاو ڕونکراوەتەوە. زانیاری تەواوت دەست دەکەوێت لەسەر ئەو بابەتەی کە هەڵیدەبژێریت و لەگەڵ کۆبوونەوەی ئۆنلاینمان یان ناردنی ڤیدیۆیەکی دیاریکراو وادەکات شوێن بابەتەکە بکەویت و مەشق بکەیت هەتا تێدەگەیت.
هەنگاو بە هەنگاو لەگەڵ فێربوونی تیۆری موزیك و کردارییدا رێ بکە، هەر لە ئاستی زۆر سەرەتاییەوە هەتا ئاستی باڵاو گەشەسەندوو.
لە پێگەی موزیککۆر سێڤندا، هاوکاری پێویستت دەستگیر دەبێت، وە هەرکات لەهەر قۆناغێکدا پرسیاریكت هەبوو، دەتوانی پەیوەندیمان لەگەڵ بگریت. لەبەرئەوە دوای مەخەو هەر ئێستا بڕۆرە بەشی ئەندامێتی و بەشداری بکە لەم پێگەیەداو دەستپێبکە.
وەك لە سەرەوە دەیبینی، تیۆری بنەڕەتی موزیك هەیە کە یارمەتیت دەدات لەسەرەتای تیۆری موزیکەوە دەستپێبکەیت. ئەم ئاستە زانیاری تەواو دەدات دەربارەی تیۆری بنەڕەتی موزیك. بە تەواوکردنی هەموو بەشەکانی، ئەوا دەتوانیت ئامادە بیت بۆ قۆناغەکانی (ABRSM)، پاشان دەتوانیت لە بەشی ئەندامێتیدا پلەی ئەندامێتی، تەنها تیۆری موزیك یان تیۆری و پێرفۆرمانس هەڵبژێریت و سوود لە سێ ڕۆژی بێبەرامبەر وەربگریت.
لە پلەی ئەندامێتیی تەنها تیۆری موزیك، هەموو قۆناغەکانی تیۆری موزیکت، ١ هەتا ٥، بەردەست دەبێت و دەتوانیت لە قۆناغی یەکەمەوە دەستپێبکەیت و بە هەموو بەشەکاندا بڕۆیت هەرکات دەتەوێت. هەروەها، دەتوانیت تاقیکردنەوە لە هەر قۆناغێکی تیۆری موزیك، کە ئامادە بیت یان بخوازیت ئەنجام بدەیت.
لە پلەی ئەندامێتیی تیۆری و پێرفۆرمانس، دەتوانیت هەموو قۆناغەکانی تیۆری موزیك، ١ هەتا ٥، و قۆناغەکانی پێرفۆرمانسی ئامێریی، ١ هەتا ٨، بخوێنیت. هەروەها، دەتوانیت تاقیکردنەوە لە هەر قۆناغێکی تیۆری موزیك یان پێرفۆرمانسی ئامێریی، کە ئامادە بیت یان بخوازیت ئەنجام بدەیت. تەواوکردنی قۆناغی ٥ لە تیۆری موزیکدا و قۆناغی ٨ لە پێرفۆرمانسدا، وا دەکات سەقامگیربیت لە زانستی موزیكدا بە گشتی، و ئامادە بیت بۆ دوای ئەو قۆناغانە یان زیاتر بخوێنیت لە کۆلیجێکی موزیکدا.
لە هەر تەمەنێکدا بیت، بەردەوام دەرفەت هەیە بۆ تێرکردنی هزر لە زانیاری باش. موزیك ئەو دەرفەتەت لە واقیعدا بۆ دەڕەخسێنێ.
لە موزیكکۆر سێڤندا، جیهانێکی جوان دەبینیتەوە، لەو جیهانەوە سەفەر دەستپێدەکەیت و خۆت و ئەوانی دیش خۆشحاڵ دەکەیت.
فێربونی تیۆرییەکانی موزیك وا دەکات کە ژیان بە ڕەنگاڵە ببینیت. ژەنینی کەمان یان هەر ئامێرێکی تری موزیك، ئینسان لە فۆرمی واقیعیدا سەرلەنوێ نمایش دەکاتەوە، وە سەفەرێکە لە بەستنەوەی نێوان ڕۆح و جەستەدا.
ئێستا هەر بۆ خۆشی تیۆری موزیك وەربگرە، لە دواییدا تێدەگەیت کە وانەکانی بیرکاری و فیزیا چەند ئاسانترن لە وانەکانی دی. هەروەها لە کۆتاییدا بە سەرکەوتویی و ئەنجامێکی بەرز قوتابخانە تەواو دەکەیت.
لەگەڵ یارییەکاندا، تەنها دەتوانی لە پانتاییەکی بچوکدا کات بەسەربەری. بەڵام لەگەڵ ئامێری کەمان یان هەر ئامێرێکیتردا پانتاییەکی فراوانتر لەگەڵ ژمارەیەك لە هەوادارانت دەبێت. لەبەرئەوە، ئێستا کەمانەکە وەك یارییەکی ڕاستەقینە وەربگرە بۆ دروستکردنی ئەو پانتاییە لە داهاتودا.
سەفەرەکەت ڕێکخە لەگەڵ موزیککۆر سێڤن بە هەڵبژاردنی ئاستێکی بەرنامەکە. پاشان پێکەوە جیهانێك دەسازێنین کە بیرکردنەوە تێیدا گەورە دەبێت و مانایەك دەبەخشێ بە ژیان.
